الحل النهائى لمشكلة كلمة اتصل بالوكيل اللى بتظهر فى بعض الموبايلات الحديثة

مساء الخير


في مشكلة تافهة جدا
بتحصل في هواتف النوكيا
بس فيه ناس كتير جدا بتتخدع فيها
وتفتكر ان الجهاز جاب سوفت
ويروحوا لبتوع الموبايلات
وطبعا اي بتاع موبايلات معندوش ضمير
هيقول فعلا دا سوفت علشان يضحك علي الزبون وياخد منه اللي هو عايزة
بدون وجه حق

اللي بيحصل كاتالي

اتصل بالوكيل
او اتصل بالبائع
الكلمة دي ساعات بتظهر علي الموبايلات الحديثة
كتيرلما تيجي تشغل الجهاز
طبعا بيروح الواحد منا بسرعة يفرمت الجهاز
نجمة وتلاتة واتصال وباور
بس ياريت بينفع

الصح بقي ايه

انك تعمل كده برضة
وتفرمت الجهاز
بس كمان تعمل حاجة صغيرة قوي
توصل الشاحن في الجهاز وانت بتفرمت
علشان البروسيسور بتاع الجهاز بيبقي عايز يتشحن مش اكتر
وهتلاقي الجهاز بعد الفورمات شغال وزي الفل
وابقى ادعيلى بقى